သင့်ကွန်ပျူတာရဲ့ Processor အမည်ကို ပြောင်းလဲခြင်း

အခုဖော်ပြပေးမည့် သင်ခန်းစာလေးကတော့ သင့်ကွန်ပျူတာမှာ တပ်ဆင်အသုံးပြုထားတဲ့ Processor Name ကို ပြောင်းလဲပုံ ဖြစ်ပါတယ်။

ဒီလို Processor နာမည်ကို ပြောင်းလဲလိုက်ရုံလိုက်နဲ့တော့ သင့်ကွန်ပျူတာရဲ့ အနှေးအမြန်ဟာ ယခင်ပုံစံအတိုင်းပဲ ဆက်လက်တည်ရှိနေမှာ ဖြစ်ပါတယ်။ ဆိုလိုတာကတော့ နာမည်ကိုပဲ ပြောင်းလဲလိုက်ခြင်း ဖြစ်ပါတယ်။

အဓိကရည်ရွယ်ချက်ကတော့ ဒီလို Processor နာမည်တွေဆိုတာဟာ အမည်ပြောင်းလဲပေးလို့ ရတယ်ဆိုတာပါပဲ။ ကွန်ပျူတာပစ္စည်းများ ရွေးချယ်ဝယ်ယူရာမှာ သတိထားသင့်တဲ့ အချက်လေးတစ်ချက်လည်းဖြစ်တာကြောင့် ဖော်ပြပေးလိုက်ပါတယ်။

ယခု သင့်ကွန်ပျူတာရဲ့ Processor နာမည်ကို ပြောင်းလဲပေးရန်အတွက် Registry ထဲကို ၀င်ရပါမယ်။ ဒီတော့ Windows+R ကိုနှိပ်ပြီး RUN ကို ခေါ်လိုက်ပါ။

ပြီးနောက် အထက်ပါပုံအတိုင်း regedit လို့ ရိုက်ထည့်လိုက်ပါ။ ဒါဆိုရင် Registry Editor ထဲကို ရောက်သွားပါလိမ့်မယ်။

Registry Editor ထဲကို ၀င်ရောက်ပြီးနောက် HKEY-LOCAL-MACHINE\HARDWARE\DESCRIPTION\System\CentralProcessor ထဲကို အဆင့်ဆင့်ဝင်ရောက်ရမှာ ဖြစ်ပါတယ်။

အဲဒီနောက် ညာဖက်အကွက်လေးရဲ့ ProcessorName ဆိုတဲ့နေရာမှာ Click နဲ့တစ်ချက်နှိပ်လိုက်ပါ။

ဒါဆိုရင် အောက်ပါပုံအတိုင်း Processor Name ကို ဖော်ပြပေးသည့် Box လေးကျလာပါလိမ့်မယ်။ တကယ့် Processor Name အမှန်ကတော့ AMD Sepron(tm) Processor 3200+ ဖြစ်ပါတယ်။

Processor နာမည်ပေါ်မှာ Mouse နဲ့ Click တစ်ချက်နှိပ်ပြီးနောက် သင်နှစ်သက်ရာ အမည်တစ်ခုကို ထည့်သွင်းလိုက်ပါ။

ပြီးနောက် OK ကို နှိပ်လိုက်ပါ။ ဒါဆိုရင် My Computer > Properties ကို နှိပ်လိုက်တဲ့အခါမှာ အောက်ပါပုံအတိုင်း Processor Name နေရာမှာ သင်ထည့်သွင်းထားတဲ့ နာမည်ပြောင်းလဲသွားတာကို တွေ့ရပါလိမ့်မယ်။ ဒီလိုပြောင်းလဲရာမှာ ခဏတာ အခိုက်အတန့်သာ ပြောင်းလဲပါတယ်။

ယာယီသဘောမျိုးပါ။ သင့်ကွန်ပျူတာကို Restart ချလိုက်လျှင် Processor အမည်ဟာ နဂိုနာမည်အတိုင်း ပြန်ဖြစ်သွားမှာ ဖြစ်ပါတယ်။ အမြဲတမ်းပြောင်းလဲနိုင်သော နည်းလမ်းကိုတော့ နောင်သင်ခန်းစာများတွင် ဆက်လက်ဖော်ပြပေးပါမယ်။